Վերջին շրջանում շարունակվում են քաղաքացիների էլեկտրոնային հասցեներին կեղծ նամակների, հաղորդագրությունների և 5G կապի թարմացման վերաբերյալ կեղծ ծանուցումների տարածման դեպքերը։ Դրանք ներկայացվում են տարբեր կազմակերպությունների, այդ թվում՝ իրավապաշտպան կառույցների և «Ճանապարհային ոստիկանության» անունից։
Նման հաղորդագրությունները կարող են պարունակել կեղծ կամ վնասաբեր հղումներ, իսկ դրանց հիմնական նպատակն է հափշտակել քաղաքացիների անձնական և բանկային տվյալները, ինչպես նաև ֆինանսական միջոցները։
Հարգելի քաղաքացիներ, նման հաղորդագրություններ ստանալու դեպքում մի բացեք նամակում առկա հղումները, մի ներբեռնեք կցված ֆայլերը և որևէ դեպքում մի տրամադրեք անձնական կամ բանկային տվյալներ։ Անմիջապես արգելափակեք հաղորդագրությունն ուղարկած հասցեն կամ օգտատիրոջը։
Եթե հաղորդագրության իսկության վերաբերյալ կասկածներ կան, անհրաժեշտ է տեղեկատվությունը ստուգել միայն համապատասխան կազմակերպության պաշտոնական կապի միջոցներով։ Եղեք զգոն և մի վստահեք անհայտ կամ կասկածելի աղբյուրներից ստացված նամակներին և հաղորդագրություններին։
Դիտեք նաև՝
