Սիրելի Տավուշեցիներ,
մեկնարկել է մեր դրամահավաքը՝ Դիմակայուն Տավուշ նախագիծը կյանքի կոչելու համար։ Մենք պատասխանատու ենք մեր երկրի, մեր հողի և մեր զավակների անվտանգության ու ապագայի համար։
Դիմակայուն Տավուշ ծրագիրը հնարավորություն կտա Ձեզ՝
• նախաձեռնողն ու ջատագովը լինելու դրական փոփոխությունների,
• մասնակիցը լինելու հենց Ձեր բնօրրանի կայուն զարգացմանը, նրա իրազեկվածության, պատրաստվածության, պաշտպանվածության ու դիմակայունության բարձրացմանը, անվտանգության մշակույթի դաստիարակությանը:
• անձնական նպաստը բերելու մարզային միակ մեդիայի (Տավուշ TV, Տավուշ FM ռադիո, Կայք, սոցիալական ցանցեր, երիտասարդների ուսուցման մեդիակենտրոն) կայացմանը, խմբագրական քաղաքականության ձևավորմանը,
• պահանջատեր լինելու թեմաների առաջարկման, ընտրության և վերահսկման հարցերում, օրինակ, առաջարկել հաղորդաշար հենց ձեր գյուղի մասին՝ տեղի բնակիչների պատմությունները, հաջողությունները, մարտահրավերները, բնության պատկերները, հոգևոր-մշակութային հուշարձանները… Վիրտուալ տուր Ձեր սիրած վայրերով:
• Հայացք դրսից. խոսք-ուղերձ-բարեմաղթանք հղել հայրենակիցներին: Իսկ եթե մասնագետ եք որևէ ոլորտի կամ փորձագետ, ու կցանկանաք հեռավար դաս վարել մեր երիտասարդների համար, համարեք, որ ունեք այդ հնարավորությունը:
• նպաստելու Երիտասարդության ներգրավվածությանն ու բնակավայրում մնալուն, հայրենաճանաչ-հայրենասեր լինելուն, լեզվին, ավանդույթներին, ազգային ու մշակութային արժեքներին հավատարիմ մնալուն, արժանապատիվ աշխատանք ունենալուն,
• աջակցելու պապերից մեզ հասած ժառանգության պահպանմանը հաջորդ սերունդների համար,
• պահպանելու ու պաշտպանելու Տավուշի չքնաղ ու աննման բնությունը՝ անտառները, գետերը, դաշտերը, մասնակիցը դառնալու հողի, ջրի, անտառի գրագետ ու արդյունավետ կառավարմանը:
• Անձնական ներդրումն ունենալու և սեփական անունը թողնելու հայրենի եզերքի պատմության մեջ,
• Վերաարժևորելու կապն ազգային մշակույթի և ավանդույթների հետ, նպաստելու դրանց թվայնացմանը, պահպանմանն ու տարածմանը,
• Վերականգնելու Ձեր հոգևոր կապը հայրենի եզերքի հետ, վերադառնալու Ձեր ինքնությանն ու Ձեր իրական ԵՍ-ին, որը կարևորելու իրական հնարավորություն է ընձեռում Դիմակայուն Տավուշ ծրագիրը:
Կապվեք մեզ հետ, միասին ձևավորենք հայրենաճանաչության-հայրենասիրության, համամարդկային ու ազգային արժեքների, ազգային ավանդույթների, հոգևոր ու մշակութային ժառանգության պահպանման և դրանց վերարտադրության ու զարգացման համար նպաստավոր միջավայրը:
Անցեք հղումով և կատարեք ձեր ներդրումը մեր երկրի ԱՆՎՏԱՆԳՈՒԹՅԱՆ ՈՒ ԴԻՄԱԿԱՅՈՒՆՈՒԹՅԱՆ համար:
Խնդրում ենք տարածել այս գրառումը՝ աջակցությունն ավելի մեծացնելու համար։ Միասին մենք դարձնելու ենք Տավուշն ավելի ուժեղ ու դիմակայուն։
Ընտի՛ր ծրագիր է․ միանում ենք։