Հոկտեմբերի 25-ին Իջևանում կայանալիք ՏԻՄ ընտրություններին ընդառաջ՝ ընտրապայքարին մասնակցող քաղաքական ուժերը շարունակում են հանդիպումները բնակիչների հետ՝ ներկայացնելով իրենց ծրագրերն ու համայնքի զարգացման առաջնահերթությունները։
«Քաղաքացիական պայմանագիր» կուսակցության թեկնածուն Արթուր Ճաղարյանն է, ով բնակիչների հետ հանդիպումների ընթացքում անդրադառնում է անցած հինգ տարիներին իրականացված աշխատանքներին, ամփոփում գրանցված արդյունքներն ու ներկայացնում առաջիկա հնգամյակի ծրագրերը։ Հանդիպումների առանցքում համայնքային կյանքին վերաբերող հարցերն են, նախատեսվող ծրագրերն ու բնակիչների մտահոգությունները։
Տավուշ Մեդիան առաջարկել է Իջևանում առաջադրված քաղաքական ուժերին լուսաբանել իրենց գործունեությունը նախընտրական շրջանում։ Առաջարկն ընդունած ուժերի գործունեությունն առաջիկայում կներկայացնենք մեր հարթակներում՝ ապահովելով հավասար և անկողմնակալ լուսաբանում։





