ՆԳՆ ոստիկանության պետ-ՆԳ նախարարի տեղակալ Արամ Ղազարյանը հունիսի 24-ին աշխատանքային այցով մեկնել է Լոռու և Տավուշի մարզեր։
Համայնքային ոստիկանության Իջևանի բաժնում տեղի ունեցած օպերատիվ խորհրդակցության ժամանակ, ոստիկանապետ Ղազարյանը Տավուշի մարզում խորհրակցության մասնակիցներին ներկայացրել է ծառայության վերաբերյալ ՆԳ նախարարի սկզբունքային մոտեցումները։
Անդրադառնալով ամենօրյա ծառայողական գործունեությանը՝ Արամ Ղազարյանը հանձնարարականներ է տվել պարտականությունների պատշաճ և օպերատիվ կատարման վերաբերյալ։ Կարևորվել է հանցավորության դեմ պայքարի բոլոր ուղղություններով աշխատանքների ակտիվացումը, ներառյալ՝ անտառահատման դեպքերի կանխարգելումը և բացահայտումը։
Անդրադառնալով կադրային քաղաքականությանը՝ ոստիկանապետն ընդգծել է, որ մասնագիտական գիտելիքների և կարողությունների զարգացումը հաջողակ և պրոֆեսիոնալ ոստիկանության հիմքն է։
Խորհրդակցությունից հետո Ա․ Ղազարյանը Տավուշի մարզպետ Հ․ Ղալումյանի հետ ծաղիկներ է խոնարհել հայրենիքի սահմանները պաշտպանելիս և ծառայողական պարտականությունները կատարելիս զոհված ոստիկանների հուշակոթողին։
