Երիտասարդի մասնագիտական ուղին հաճախ սկսվում է համալսարանական տարիներին՝ առաջին ինքնուրույն որոշումներից, նոր գիտելիքներից ու սեփական հնարավորությունները փորձարկելու ցանկությունից։ Այս փուլում կարևոր է նաև այն միջավայրը, որտեղ ուսանողը կարող է առաջ շարժվել, նոր փորձ ձեռք բերել և իր ծրագրերին գործնական ընթացք տալ։ Այս ճանապարհին երիտասարդների կողքին է Ամերիաբանկը՝ առաջարկելով կրթական ծրագրեր, մասնագիտական փորձառության և զարգացման հնարավորություններ։
«2008թ․ից ի վեր Ամերիկաբանկը իրականացրել է ավելի քան 4 միլիարդ դրամի ներդրում՝ կորպորատիվ սոցիալական պատասխանատվության տարբեր նախագծերում։ Հարկ է նշել, որ այդ նախագծերի ամենամեծ մասը կազմել են հենց կրթության ոլորտի նախագծերը՝ շուրջ 27%։ Կրթության մեջ ներդրումներ իրականացնելն Ամերիկաբանկի համար զուտ սոցիալական պատասխանատվություն չէ, այն հնարավորություն է ունենալու ներդրում մեր երկրի մրցունակության ու մարդկային կապիտալի զարգացման, ինչպես նաև երկարաժամկետ զարգացման մեջ», — նշում է Ամերիաբանկի ԿՍՊ բաժնի ավագ մասնագետ Սաթենիկ Բաղդասարյանը։
Կորպորատիվ սոցիալական պատասխանատվության ծրագրերից է «Իմ Հայաստան, իմ ապագա» կրթաթոշակների մրցույթը, որն այս տարի անցկացվում է արդեն երրորդ անգամ։ Մինչև հոկտեմբերի 31-ը ուսանողները կարող են դիմել մրցույթին: Մասնակցության համար անհրաժեշտ է պատվիրել և ակտիվացնել Ամերիաբանկի Visa Student քարտը, MyAmeria հավելվածի միջոցով լրացնել հայտը և հանձնել ինտելեկտուալ թեստ։ Արդյունքում 200 ուսանող հնարավորություն կունենա չորս ամիս շարունակ ստանալու ամսական 50 հազար դրամ կրթաթոշակ։
«Ամերիաբանկի համար երիտասարդներին աջակցելը կարևոր ներդրում է․ մեր նախաձեռնությունների նպատակն է ուսանողներին տալ նոր հնարավորություն՝ զարգացնելու գիտելիքները, բացահայտնելու իրենց կարողություններն ու ավելի վստահ կերպով շարժվելու առաջ։ Ուրախալի է, որ մեր մարզի ուսանողները մեծ հետաքրքրություն են ցուցաբերում կրթաթոշակային ծրագրի նկատմամբ և ակտիվորեն մասնակցում մրցույթին», — իր խոսքում նշում է Ամերիաբանկի «Դիլիջան» մասնաճյուղի կառավարիչ Վարդան Ղազարյանը։
Ամերիաբանկում վստահ են` նախաձեռնությունները պետք է իրականացնեն ուսանողների հետ համատեղ` նրանց կարիքներին և հետաքրքրություններին համապատասխան:
«Բազմիցս շփվում ենք ուսանողների հետ, անցկացնում հարցազրույցներ և հարցումներ, որի արդյունքում դուրս են բերում իրենց կարիքները և հետաքրքրությունները։ Այս ամենի շուրջը ստեղծում ենք ուսանողների համար նախատեսված առաջարկները՝ դուրս գալով բանկային սահմանից, կազմակերպելով արշավներ, միջոցառումներ և այլն։ Մեզ համար կարևոր է լսել ուսանողներին, որպեսզի նրանց համար առաջարկները կազմվեն ոչ թե իրենց համար, այլ իրենց հետ միասին», — նշում է Ամերիաբանկի հաճախորդի փորձառության մասնագետ Նաիրա Միասարյանը։
Ուսանողների համար նախատեսված առաջարկներն այսքանը չեն. Մեկնարկել է նաև «Հրավիրիր ընկերոջդ» արշավը․ ուսանողները մինչև հոկտեմբերի 31-ը կարող են իրենց ընկերներին հրավիրել դառնալու Ամերիաբանկի հաճախորդ և ձեռք բերելու visa student քարտ։ Արշավի պայմանները կատարելու դեպքում հրավիրողն ու հրավիրվածը կստանա 2 000 Ամպ միավոր:
Տեսանյութը պատրաստվել է համագործակցության շրջանակում։
