2026 թվականի նոյեմբերի 29-ին Հայաստանի մի շարք համայնքներում կանցկացվեն տեղական ինքնակառավարման մարմինների ընտրություններ։ Ընտրությունները տեղի կունենան նաև Տավուշի մարզի Նոյեմբերյան խոշորացված համայնքում։
Կենտրոնական ընտրական հանձնաժողովի՝ 2026 թվականի հոկտեմբերի 20-ի տվյալներով՝ Նոյեմբերյան համայնքում ընտրողների ընդհանուր թիվը կազմում է 21 157։
Նոյեմբերյան համայնքում ավագանու համամասնական ընտրություններին մասնակցելու հայտ են ներկայացրել երեք քաղաքական ուժեր՝
- «Ապրելու երկիր» կուսակցություն․ ընտրական ցուցակը գլխավորում է Արսեն Աղաբաբյանը։
- «Քաղաքացիական պայմանագիր» կուսակցություն․ ընտրական ցուցակը գլխավորում է Մխիթար Խաչիկյանը։
- «Լուսավոր Հայաստան» կուսակցություն․ ընտրական ցուցակը գլխավորում է Նարեկ Սիրադեղյանը։
Կենտրոնական ընտրական հանձնաժողովը հրապարակել է նաև նոյեմբերի 29-ին կայանալիք ՏԻՄ ընտրություններին մասնակցող կուսակցությունների և դաշինքների հերթական համարները։ Ըստ հրապարակված տվյալների՝ Նոյեմբերյան համայնքում ընտրական քվեաթերթիկում քաղաքական ուժերը կտեղակայվեն հետևյալ հերթականությամբ․
- «Ապրելու երկիր» կուսակցություն՝ 3-րդ համար,
- «Քաղաքացիական պայմանագիր» կուսակցություն՝ 10-րդ համար,
- «Լուսավոր Հայաստան» կուսակցություն՝ 11-րդ համար։
